Поранешниот кошаркар на Денвер, Кенет Фарид, ги објасни причините за неговото доаѓање во Европа. Популарниот „Манимал“ неодамна потпиша за ЦСКА, која ја опиша како „НБА тим во Евролигата“.
- Откако започнав да играм во НБА, си реков себеси дека ќе ја прифатам можноста да играм во Европа неколку месеци или една година. Ќе ја прифатам оваа можност, ќе се забавувам и ќе уживам, истакна Фарид.
Фарид одигра 496 натпревари во најсилната лига во светот во текот на осум сезони. Тој потпиша двомесечна соработка со рускиот тим, но со клаузула која овозможува соработката да продолжи до крајот на сезоната.
