Уште еден од низата слатки рецепти, без „утка“ – не може да погрешите и да сте домаќинка без големо искуство во кујната. Какао бомбиците со вкус на портокал се едноставни и вкусни колачи, кои што се подготвуваат брзо, а уште побрзо ги снемува од трпезата.
Состојки:
- 300 гр кекс
- 150 мл сок од портокал
- 1 ванилин шеќер
- 2 лажици џем од портокал или кајсија
- 50 гр чоколадо за готвење
- рендана кора од еден портокал
- 1 лажица мед
Подготовка:
Сомелете ги бисквитите, прелиј те ги со сокот од портокал, измешајте ја добро смесата, а потоа додадете мед, џем, ванилин шеќер и стопено чоколадо.
На крај, додадете ја кората од портокал, измешајте сè добро за да ги поврзете состојките.
Ставете ја смесата во фрижидер 30 минути, а потоа обликувајте бомбици. Топчињата извалкајте ги во мелени бисквити или какао.
Пријатен вкус!