Во текот на изминатата недела (05.05 – 12.05.2022 година) со специјалните возила пајак на јавното претпријатие „Градски паркинг“ се отстранети вкупно 147 возила од јавните површини.
Како што информираат од претпријатието, непрописно паркираните возила се отстранети по налог на сообраќајната полиција по основ на сторени прекршоци за паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице.
Јавното претпријатие „Градски паркинг“ апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта, а до сите корисници на услугите за паркирање, навреме да го регулираат плаќањето за паркинг-услугата.
Плаќањето за паркинг услугата може да се изврши преку СМС порака или со греб картичка.
