Постигнат е договор за Брегзит, објави претседателот на Европската комисија Жан Клод Јункер.
„Онаму каде што постои волја, таму има и договор – го постигнавме! Тоа е фер и избалнасиран договор за ЕУ и Велика Британија што сведочи за нашата посветеност да се изнајде решение“, рече Јункер.
-Предлагам договорот да биде предложен на самитот на ЕУ, рече тој, пренесен од британските медиуми,
Дека има договор потврди и британскиот премиер Борис Џонсон .
„Имаме одличен нов договор“, напиша Џонсон на Твитер.
Двете страни работеа врз текстот на договорот, но нам и натаму ни е неопходна потврда од британскиот Парламент, но и од Европскиот Парламент, додаде Џонсон.
„Волстрит џурнал“ напиша дека, сепак, станува збор само за „груб нацрт“ од договорот за „разводот“ на Велика Британија од ЕУ, како и дека пред преговарачите има уште многу работа околу деталите за усогласување и минување на процедурите низ парламентите.
