Сакате да експериментирате? Ве привлекуваат поинаквите вкусови? Ова е идеален рецепт за вас.
Состојки за тесто:
- 1 лименка темно пиво (околу 400 мл)
- 125 гр путер
- 3/4 шолја какао
- 2 шолји кафеав шеќер
- 3/4 шолји кисела павлака
- 2 јајца
- ванила
- 2 шолји интегрално брашно
- прашок за пециво
Глазура:
- 250 гр млечен намаз
- 1 шолја шеќер во прав
- 1/3/ шолја слатка павлака
Подготовка:
Пивото со насецканите парчиња путер загрејте ги на оган додека не се стопи путерот. Измешајте во таа смеса какао и шеќер. Изматете ја киселата павлака, јајцата и ванилата и измешајте ја со другата смеса.
Додајте брашно и прашок за пециво и се добро измешајте. Смесата ставете ја во калап за мафини, во кои претходно сте ставиле хартиени корпици. Печете на 180 степени околу 20-тина минути.
За глазура:
Млечниот намаз матете го да стане пенест, потоа додадете шеќер и слатка павлака и се добро изматете со миксер. Откако мафините ќе се испечат, оставете ги 10 минути во калапите, а потоа извадете ги и оставете ги да се оладат. После тоа ставете ја глазурата.
Пријатен вкус!