ЈП „Паркинзи на Општина Центар“ донесе нова интерна процедура за издавање на договори за користење на јавното паркиралиште со наплата и издавање на повластена паркинг карта со цел да им овозможи на жителите побрз начин за вадење на кориснички договори и полесен пристап до услугите на претпријатието.
Новината стартува од утре. Жителите ќе можат 24/7 да склучат/продолжат кориснички договор на 7 локации на територија на Општина Центар: куќарката на затвореното паркиралиште „Дом на Градежници“, куќарката на затвореното паркиралиште „Трготекстил“, куќарката на затвореното паркиралиште „Аутомакедонија“, куќарката на затвореното паркиралиште „Палома Бјанка“, депото на службата „Пајак“ и пунктот за наплата во катната гаража „Судска палата“. Седмата локација ќе биде на новото затворено паркиралиште „Дилајла“ во Капиштец кое ќе се отвори наскоро.
Корисниците и понатаму преку новата веб платформа www.poc.mk ќе можат онлајн да склучуваат и продолжуваат договор за резиденти и нерезиденти, да извршат електронско плаќање за истите, да плаќаат дневна паркинг карта (ДПК), месечен билет и други типови на билети, да поднесуваат рекламации и приговори, да вршат проверка на состојба на М-карта со целосен увид на билансот на картата, како и пријавување на гостинска регистарска табличка, проверка на состојбата на гостинските часови и надополнување и плаќање на истите преку кредитна картичка, трансфер на пари и/или е-вирман.
Исто така, за секоја потребна информација корисниците ќе можат да се обратат во Дирекцијата на ЈП Паркинзи на Општина Центар на телефонскиот број 02-3212-488 секој работен ден од 8 до 16 часот.