Белорускиот пливач Ихар Боки (30) стана најуспешниот спортист во историјата на Летните параолимписки игри, откако во Париз го освои вкупно 20. златен медал во кариерата. Боки славеше на 50 метри слободно во категоријата С13, трка во која се натпреваруваат спортисти со оштетен вид.
„Белорускиот Мајкл Фелпс“, како што многумина го нарекуваат, се натпреварува под неутрално знаме во Париз, а победи и на 100 метри пеперутка, 100 метри грбно и 400 метри слободно. Белорусија освои вкупно 20 златни медали, по еден сребрен и еден бронзен, надминувајќи го канадскиот пливач Мајкл Еџсон, кој има 18 злата и три сребрени. Во својата татковина е одликуван со Орден за заслуги за татковината и има печат со својот лик.
Во вкупниот пласман апсолутна рекордерка е американската пливачка Триша Зорн-Хадсон. Во текот на кариерата, „Кралицата“ на Параолимписките игри освои дури 55 медали, од кои 41 златни. Зорн-Хадсон, која е родена со генетско нарушување на очите што ја остави слепа, учествуваше на седум Параолимписки игри.
Таа дебитираше во Арнем во 1980 година, а на 16 години освои седум златни медали. Најуспешна била во Сеул во 1988 година, каде што освоила дури 12 златни медали, од кои 10 во поединечна конкуренција. Успешната кариера ја заврши во Атина во 2004 година.
Покрај Боки, 20 златни медали има и француската пливачка Беатрис Хес, а освои вкупно 25 медали.
