Минатата година, Доналд Трамп рече дека ќе го депортира војводата доколку лажел за неговата апликација за виза. Со него се согласува и неговиот син Ерик Трамп, кој ја нарече двојката од Сасекс расипано овошје.
Кога минатата година на полиците се појави автобиографијата на принцот Хари, во која тој призна дека често консумирал нелегални супстанци, а потоа тоа го повторил неколку пати за време на интервјуата за промоција на книгата, многумина почнаа да се прашуваат како успеал да добие виза за престој во Соединетите Американски Држави. Едно од прашањата на апликацијата е за употреба на дрога, а на оние кои тоа го признаваат обично им се одбива виза. Значи има две можности – или принцот лажел или не подлежи на истите правила како другите.
Кога властите одбија јавно да го објават барањето на Хари, велејќи дека тоа ќе биде нарушување на приватноста, претседателскиот кандидат Доналд Трамп, меѓу другите, се огласи и рече дека ако народот повторно го избере за претседател, а испадне дека со визата не е се, како што треба да биде, тој ќе протера војводата од Сасекс.
Сега истото го повтори и синот на Трамп, Ерик, кој моментално е во Шкотска.
„Во секој овоштарник има расипано овошје, Хари и Меган се скапани плодови на британскиот двор. Мајка ми познаваше многу членови на британското кралско семејство и беше добра пријателка со принцезата Дијана. Не е во ред Хари и Меган да ги навредуваат. Тоа е прекрасна институција на која многу Американци и се восхитуваат и таа треба да биде заштитена“, рече Ерик Трамп, додавајќи дека целосно се согласува со неговиот татко дека однесувањето на семејството Сасекс е целосно несоодветно. „Татко ми ја сака Велика Британија, тој е нејзин голем сојузник, и се восхитуваше на кралицата, па никогаш нема да биде на страната на некој што ги клевети“, додал 40-годишниот Ерик, пренесува „Словенске новице“.
