Миленичката на Новак Ѓоковиќ го избриша подот со критичарите: „Јас сум најдобрата досега, треба да ви е јасно тоа“

Кинезинката Ајлин Гу е ѕвезда на Зимските олимписки игри во Милано и  Кортина, но исто така, веројатно е и најомразената личност во Америка во моментов. Пред четири години, таа одлучи да настапи под кинеското знаме пред Олимписките игри во Пекинг, иако е родена и израсната во Америка, а јавноста тоа не ѝ го прости.

По два златни и сребрени медали во Пекинг, сега во Кортина освои два сребрени медали. Откако го освои вториот медал, еден новинар ја праша дали мисли дека „освоила две сребрени или изгубила две златни“. Нејзиниот одговор стана вирален.

„Јас сум најодликуваната слободна скијачка во историјата. Мислам дека тоа е самиот одговор. Освојувањето на олимписки медал е искуство што го менува животот на секој спортист. Да се направи тоа петпати е многу пати потешко, бидејќи секој медал е подеднакво тежок, но очекувањата на другите постојано растат. Искрено, таа перспектива за „изгубени медали“ е прилично смешна. Правам работи што никогаш порано не се правени. Мислам дека тоа е повеќе од доволно. Ви благодарам“, рече Ајлин Гу.

Новак застана на нејзина страна

Интересно е и тоа што Новак Ѓоковиќ ѝ честиташе на Ајлин Гу за двата медали што ги освои. Тој беше присутен на Зимските олимписки игри и видовме дека се восхитуваше на настапот на Илија Малинин, дека реагираше на повредата на Линдзи Вон и дека беше импресиониран од сè што прави Ајлин Гу на овие Олимписки игри, и покрај тоа што е трн во окото на Американците, само затоа што се одлучила да настапува за земјата каде што е родена нејзината мајка – Кина.