Министерот за климатски кризи и цивилна заштита на Грција, Василис Кикилијас, ја предупреди јавноста дека временските услови пред празникот на 15 август ќе биде критично што се однесува до шумските пожари.
– Ќе преовладуваат екстремно високи температури и опасни временски услови за појава на шумски пожари. Ќе имаме комбинација од многу силен ветер, без дожд, услови за суша и поради ова половина Грција ќе биде под „црвен“ метео аларм – рече Кикилијас на состанокот на Комисијата за оцена на временските услови на ресорното министерство.
Тој рече дека побарал спроведување на вонредни мерки, кои се однесуваат на армијата, полицијата, волонтерите, противпожарната служба и локалната самоуправа, пренесува „Катимерини“.
– Ги повикувам сите луѓе да бидат внимателни и да покажат голема одговорност бидејќи ни претстои тешка недела – предупреди Кикилијас.
Во Грција, 15 август е голем ден за грчката православна црква, кога Грците го слават празникот Успение на Пресвета Богородица.
