Познатата британска актерка Хелен Мирен ќе биде наградена со „Златна мечка“ за животно дело на 70. Meѓународен филмски фестивал во Берлин што ќе се одржи од 20 февруари до 1 март 2020.
Во чест на оскаровката, која е ѕвезда на „Кралицата“ како и на новата ХБО серија „Катерина Велика“, ќе бидат прикажани неколку нејзини најпознати филмови, меѓу кои и „The Cook, the Thief, His Wife & Her Lover,” „The Good Liar” and „The Last Station”.
„Хелен Мирен е силна личност чии моќни портрети се секогаш импресивни“, изјави Мариета Рисенбек, извршната директорка на Берлинале. „Таа нè изненадува одново и одново со толкувањето на сложените ликови. Без разлика дали тоа е Крис во ‘Calendar Girls’ или кралицата Елизабета Втора во ‘Кралицата’, нејзините портрети се парадигма на силни жени и затоа задоволство ни е да ѝ ја доделиме почесната ‘Златна мечка’ за нејзиното животно достигнување“, додава таа.
Мирен зад себе има богата филмографија и голем број награди. Во 2007 година добива „Оскар“, „Златен глобус“ и БАФТА за улогата во филмот „Кралицата” (The Queen) во кој ја глуми британската кралица Елизабета втора по смртта на принцезата Дајана.