Спасувањето на „Credit Suisse“ од страна на најголемата швајцарска банка „UBS“ се очекува да резултира со укинување на десетици илјади работни места, а швајцарскиот финансиски сектор веќе се подготвува за тешкиот удар дел од спорното преземање.
Домашното работење на „Credit Suisse“ и нејзината инвестициска банка, кои заедно вработуваат повеќе од 30.000 работници, се очекува да го сносат најголемиот дел од кратењата, според оние кои се запознаени со плановите на „UBS“.
Премногу е рано точно да се процени за колку вкупно отпуштања се работи, но тоа би можело да биде дури една третина од 120.000 работни места на комбинираната група бидејќи „UBS“ ќе затвори голем број на филијали од својот конкурент каде што веќе им се преклопуваат локациите и улогите на домашниот пазар, пренесува „Financial Times“.
Договорот за преземање беше организиран од швајцарските власти во текот на викендот, откако тие станаа загрижени од стапката на повлекувања од клиентите што „Credit Suisse” ја претрпе минатата недела.
Договорот од 3,25 милијарди долари беше критикуван поради загубите што ги претрпеа сопствениците на обврзници и недостатокот на глас од акционерите за синдикатот.
„Credit Suisse”, која вработуваше нешто повеќе од 50.000 луѓе на крајот на 2022 година, веќе беше во средината на големи кратења на работни места, со 4.000 скратени работни места досега оваа година.
Но, се очекува преземањето да резултира со дополнително кратење на работните места, при што голем дел од инвестициските банкари на „Credit Suisse” кои се 17.000 на број, ќе ги загубат своите работни места бидејќи „UBS” ќе ги затвори најголемиот дел од филијалите.
Според луѓето кои се запознати со плановите на „UBS”, која вработува 74.000 вработени на глобално ниво, исто така ќе се обиде да ги отстрани преклопените улоги на „Credit Suisse” во Швајцарија, да ги затвори филијалите и да го намали персоналот на административни позиции.
