Светот се повеќе е заинтересиран за Северна Кореја. Нејзиниот лидер и владата постојано се обидуваат да го заштитат народот од надворешни влијанија. А сето тоа уште повеќе го разгорува интересот за животот на Севернокорејците. Еве 16 работи за кои Брајт сајд откри дека се забрането во Северна Кореја.
16. Западна мода
Севернокорејскиот лидер Ким Џонг-ун ги забрани фармерките и други видови западна облека во два региона кои граничат со Кина. Пјонгјанг се обидува да го ограничи прелевањето на влијанието на западната култура преку границата.
15. Кока-кола
Трговското ембарго што Северна Кореја го наметна за Кока-кола има за резултат неможност овој пијалак да се најде во тамошните продавници. Иако некои велат дека во одредени „специјални“ продавници може да се купи „кока-кола“ од кинеско производство.
14. Строго контролирани фризури
Ким Џонг-ун дозволува само 18 фризури за жени и 15 за мажи. Не е дозволено боење на косата, па ако одите во Северна Кореја, заборавете на покривање на белите влакна.
13.Хигиенски влошки
Хигиенските влошки и тампоните не може да се најдат во продажба во Северна Кореја. Жените користат влошки за повеќекратна употреба.
12. Кондоми
Сите видови контрола на раѓање се забранети во Северна Кореја, па набавката на кондом е многу тешка работа. Многу возрасни Севернокорејци со задоволство би прифатиле кутија кондоми како подарок.
11. Сопственост
Севернокорејската влада има ексклузивно право на сопственост на земјиштето и имотите. Поради тоа речиси е невозможно да се купи или продаде куќа или стан. Сепак, бидејќи луѓето се снаоѓаат, властите ги олеснија законските услови.
10. Дизајнерски чевли
Ако случајно се најдете во Северна Кореја и си помислите дека би било фино да си купите чифт Маноло Бланик чевли – заборавете на тоа. Дизајнерски чевли се забранети, освен во регионите кои граничат со Кина каде се продаваат чевли на високи потпетици од кинеско производство.
9. Божикна елка
Северна Кореја официјално е атеистичка земја. Сите видови религиски практики се забранети или надгледувани од власта. Оттука, не можете да купите или да поседувате божикна елка ни лампиони.
8. Старбакс (жими лани!)
Фотографијата лево, која може да ве збуни, е лажна. Тоа е само шега од некој турист што ја посетил земјата. Во Северна Кореја кафе се пие во синџирот кафетерии Ријонгванг Кафе.
7. Кабелска ТВ
Постојат четири официјални ТВ канали во Северна Кореја. Владината цензура е толку силна што не дозволува друг вид телевизии.
6. Западни списанија
Пропагандната машинерија на Северна Кореја забранува секаков вид странски медиуми. Владата и специјалните агенции го контролираат печатот. Нема забавни списанија, само политичко-образовни.
5. Wi-Fi и меѓународни повици
Од 15 милиони Севернокорејци, речиси еден милион поседуваат мобилен телефон. Арно ама, не можат да бираат меѓународни броеви. Има ограничување и на 3G мрежата. Странците кои доаѓаат во земјата можат да купат припејд картички само за меѓународни разговори.
4. Музички концерти
Многу малку странци имаат настапувано во Северна Кореја. Единствениот бенд на кој му било дозволено да настапи во земјата е словенечкиот Лајбах. Тие имаа концерт во Пјонгјанг во 2015 година. Но, има концерти на локални групи.
3. Apple
Има забрана за продажба на секаков вид модерни хај-тек уреди во Северна Кореја. Да се купи Apple iPad е невозможно. Арно ама, Северна Кореја разви сопствен вид на таблет PC кој служи како замена за западните.
2. Спортски автомобили
Ова е уште една луксузна стока која е речиси 100% недостапна. Речиси е невозможно да се купи странско возило поради санкциите наметнати врз Северна Кореја од Обединетите нации и Европската унија.
1. Oдмори во странство
На Севернокорејците не им е дозволено да одат на одмор во странство. Тоа е прекршување на човековите права, но веројатно луѓето таму не се свесни за тоа. Сепак, постепено, животите на луѓето таму се менуваат па и дома може да најдат оддишка, на пример во овој забавен парк во Пјонгјанг.
