Поранешниот советник на претседателот на САД Џон Болтон цели 17 месеци работеше како советник за безбедност на Доналд Трамп. Сега тој работи на спречување на неговиот реизбор со објавување книга (656 страници) на експлозивни откритија The Room Where it Happened („Собата каде што се случи“). Тој даде за Ди Велт, член на Лена, европска група на весници во која се вклучени Ле Фигаро, Ел Паис, Ла Репблика, Ла Трибун де Женев, Ле Соар, Тагес-Анцејгер и Газета Виборца, во кое нагласува дека „На Доналд Трамп не треба да му се даде втор мандат“, јави дописникот на МИА.
Џон Болтон, прави портрет на американскиот претседател при што нагласува:
– Кога Доналд Трамп се занимава со прашања од национална безбедност, тој не следи никаква политичка филозофија или стратешко размислување. Како резултат, сега имаме уште помалку сигурност отколку пред неговиот мандат. Ова е причината зошто, за прв пат во мојот живот, нема да гласам за кандидатот на републиканците на следните избори. Сепак, јас немам намера да гласам за Џо Бајден. Само ќе напишам друго име. На Трамп не треба да му се даде втор мандат.
На забелешката дека кога тој му се приклучил на оваа администрација, морал да се сомнева во тоа што го очекувало. Болтон одговара:
-Што и да рече некој за Трамп пред да стане претседател, јас, како и многу други, верував дека во моментот кога ќе се искачи на оваа висока функција, тој ќе се смени. Дека тој ќе го реализира неговиот недостаток на искуство на ова ниво, степенот на предизвиците и сериозноста што тие ја бараат. Но, тоа би му наложило да учи од својата позиција, како и неговите претходници. Морам да признам: погрешив. Сите бевме во грешка. Неговата улога како претседател немаше никакво влијание врз него. Трамп продолжува да верува дека тој седи во Трамп кулата, шеф на организацијата Трамп и дека може да ја води американската влада како што смета дека му одговара.„Лена“.
-Ова е веројатно најдоброто нешто што Пентагон може да го стори за да се прилагоди на барањето на Трамп за намалување на американските сили во Германија. И да врати барем дел од нивво Америка. Ова треба да се сфати како предвесник, а не за охрабрувачки знак, за тоа што претстои ако Трамп биде реизбран. Повлекувањето на Соединетите држави од сите позиции што ги завзема во никој случај не е позитивно, ниту за САД ниту за безбедноста на Западот. На многу начини, Трамп делува слично како Обама. Тој не се грижеше многу за остатокот од светот ниту. Овие се уникатни форми на американски изолационизам. Би било паметно да се дебатира во рамките на Републиканската партија за да се намали овој изолационизам.
Поранешниот советник на Доналд Трамп смета дека Америка ја изгуби својата важност во светската политика под последните двајца претседатели.
-Да, улогата на Америка во светската политика е јасно ослабена. И за време на мандатот на Обама и Трамп, заканите се зголемија во многу области. Едноставно кажано: освен Америка, никој друг не може да води сили што ги споделуваат нашите вредности. Многумина се радуваат што Америка ја губи важноста. И другите, без разлика дали се заведени од идејата или не, сметаат дека тоа е едноставно неизбежен исход.
На прашањето на „Лена“ како може некој како Трамп, кој го опишува како некомпетентен и застарен, да победи на изборите, Болтон одговара:
-Сè што можам да кажам е дека во 2016 година тој успеа да победи не помалку од 16 републикански кандидати. Еден по друг. Успеа затоа што ја долови температурата на својата партија и воочил отпор кон одредени случувања во земјата. Негова среќа е што демократите кои го најдоа најлошиот можен кандидат, Хилари Клинтон. Но, на крајот, тој исто така успеа, бидејќи тој е слободен електрон во политичкиот систем на Соединетите држави. Но, по овие избори, без разлика дали тој ќе победи или не, но сигурно ако ги изгуби, ќе има голема дебата во рамките на Републиканската партија за тоа како да се осигури дека тоа не ќе се повтори.
На прашањето дали има позитивен коментар за кој било аспект на претседателството на Трамп, неговиот поранешен советник за безбедност одговара:
-Тој го зголеми буџетот на Министерството за одбрана на скоро 750 милијарди американски долари. Под администрацијата на Обама, тоа беше на катастрофално ниско ниво. Беше суштинско значење да се врати силата на Америка на овој начин, односно преку квалитетот на дисуазијата. Сепак, Трамп дејствуваше само затоа што беше свесен дека ваквиот потег ќе му биде од корист политички и ќе обезбеди поддршка од неговата републиканска база. Тој никогаш не ја донесе оваа одлука надвор од политичко убедување.
Притоа Џон Болтон ги анализра и односите на САД со Русија:
-Не гледам ништо што оправдува таен договор со Путин што би ги поддржал тврдењата дека Трамп е марионета на Путин или дека Русите имаат докази против него. Не велам дека не е точно, само што не сум видел никаков доказ за тоа. Сепак, гледам сосема различен тренд. Трамп честопати рече дека ужива во склучување зделки со Путин, со Џи Јинпинг, Ердоган или Ким Јонг-ун. Оваа серија на имиња не е без интерес. Од друга страна, тој меѓу другите имаше проблеми со Ангела Меркел, Тереза Меј или Емануел Макрон. Тој е привлечен од авторитарни личности.
Подзапрашан од „Лена“ зошто е тоа така, Болтон одговара:
-Не би знаел како да го кажам тоа. Освен ако не претпоставите дека Трамп, исто така, сака да биде еден од „големите“ како овие авторитарните шефови на држави. Затоа што, според неговата идеја, „големите“ можат да го направат она што го сакаат. Во секој случај, тоа е она што тој би сакал. Но, тоа не е можно во Соединетите држави. Оваа карактерна особина, оваа блискост кон автократите е феномен кој веќе не е ограничен на Путин.
На крајот Болтон заклучува:
-Трамп не брани никаква политичка филозофија. Тој не е конзервативец, што не го прави либерал. Не сум сигурен дека тој разбира нешто за нашиот Устав. Сè што не е поврзано со неговиот план за повторен избор, е премногу апстрактно за него.
