Босна и Херцеговина ќе потпише меморандум за економска соработка со Соединетите Американски Држави во областа на инфраструктурата, енергетиката, дигитализацијата, како и за американските инвестиции во земјата, соопшти Претседателството на БиХ по онлајн-разговор со Филип Рикер, помошник државен секретар на САД за европски и азиски прашања.
Рикер повтори дека САД остануваат силен и посветен партнер на Босна и Херцеговина во спроведувањето на реформите и исполнувањето на условите за напредок кон евроатлантските интеграции.
Тој истакна дека Претседателството на БиХ треба да даде темпо на идните чекори што треба да се преземат на патот кон ЕУ, како и спроведувањето на другите реформи што ќе овозможат подобар живот за граѓаните на БиХ.
Извор:МИА
