Емилија Розман во јули се вери со Стефан Ангелкоски кој го познаваше само 24 часа. Па како што дојде брзо љубовта во нејзиниот живот така брзо и си замина. По месец дена од љубовната идила тие ја раскинаа веридбата. Емилија започна со шеговити постови бидејќи во медиумите се прошири веста дека таа стапила и во брак иако биле само верени.
– Подарувам венчаница, носена само еднаш по грешка, напиша моделот Емилија Розман на нејзиниот инстаграм-профил на стори.
А потоа додаде дека нема формула за среќен брак.
Парови се гледаат по 10 години, па се венчаат и по една година се разведуваат. Тотални странци спијат заедно уште на првиот состанок и сега прославуваат 15 години од брак. Некои се мажат по шест месеци и сè уште се во среќен брак. Нема формула за ова. Прави го она што те прави среќен, посочи Емилија.
