Ќе се утврдува како коронавирусот се пренел на луѓето: Експертите од СЗО в четврток ќе пристигнат во Вухан

33

Кина објави дека експерти од Светската здравствена организација (СЗО) ќе ја започнат посетата на Вухан в четврток, од каде се рашири пандемијата на коронавирус на крајот на 2019 година.

Се наведува дека експертите на СЗО ќе пристигнат во Вухан од Сингапур, пренесува АП.

Директорот на СЗО, Тедрос Адананом Гебрејесус, минатата недела изрази незадоволство поради одложувањето на пристигнувањето на научниците во Вухан.

Откако Кина во понеделникот најави прием на експертите на СЗО, Гебрејезус рече дека научници од повеќе земји ќе се обидат да утврдат како се пренел вирусот на луѓето.