За уште 200 дена од престанокот на траењето на вонредната состојба се продолжува примената на мерките во трговијата.
Со нова Уредба за примена на Законот за трговија за време на вонредна состојба се продолжува за уште 200 дена од престанокот на траењето на вонредната состојба примената на мерките за обезбедување на редарска служба при влезот и во внатрешноста на трговските објекти, дезинфекција за раце при влез во објектот, поставување соодветни ознаки со кои се обележува правецот на движење и запазување на минимум потребното растојание при чекање ред на лицата пред и во објектот, како и истовремено пазарување најмногу по едно лице на површина од секои 20 метри квадратни, додека со површина помала од 20 метри квадратни може да пазарува само едно лице, како и обезбедување на заштитна опрема (маски и ракавици) од страна на трговецот за вработените во објектот, кои се должни да ја носат за времетраење на работното време.
