Данило Брестовац, селекторот на македонската ракометна репрезентација на прес-конференцијата по поразот од Египет, истакана дека „црвено – жолтите“ во последното коло од групата ќе го победат Чиле и ќе одат во следната фаза на Мундијалот во Египет.
– Ние имавме малку време за да се подготвиме за ова Светското првенство. Физички, не бевме добро спремни, но сметам дека моите играчи ќе бидат подготвени и физички и ментално за мечот со Чиле. Одигравме два меча со нив, сметам дека ќе го победиме Чиле и дека ќе одиме во следната рунда. Натпреварите против две силни репрезентации како Шведска и Египет треба да биде лекција за нас како да играме во иднина, изјави Брестовац.