Менаџерот на Тотенхем, Жозе Мурињо одговори на прашањето зошто Деле Али не беше во комбинација за натпреварот од 2. коло во Премиер лигата против Саутемптон (5:2).
„Специјалниот“ беше запрашан од англиските новинари дали отсуството на Деле Али се должи на фактот дека ПСЖ покажува интерес за играчот од средниот ред.
- Јас не сум одговорен за трансфер пазарот, немам што да кажам за ова. Оставив осум играчи надвор од комбинација. Ова е голема група и Деле припаѓа на оваа група. Составот е сложена загатка, исто како и клупата. Не можам да имам три крилни играчи, еден плејмејкер и без дефанзивец. Деле не беше вклучен во составот, но тој може да игра во вторник, изјави Мурињо за „football.london“.
