Голем број негативни коментари беа испратени до грчкиот тенисер Стефанос Циципас, а потоа следуваат: Карлос Алкараз, Даниил Медведев, Каспер Руд и Камерон Нори, кој има 4 отсто негативни твитови.
Најдобриот српски тенисер Новак Ѓоковиќ добива најмногу негативни коментари на социјалните мрежи, потврди истражувањето спроведено од Француската тениска федерација во соработка со компанијата „World Sports Network“.
Светската спортска мрежа „го измери социјалното чувство на твитовите во кои се спомнуваат играчите во негативно светло, како и реакцијата на јавноста на конкретни објави на други социјални мрежи и можеше да утврди кои тенисери добиле најмногу негативни коментари на интернет во период од 16 месеци.
Резултатите до кои дошле откриваат дека Ѓоковиќ, добил најмногу негативни коментари и дека речиси секој петти твит за Србинот бил негативен, што е 15 отсто од објавите.
Голем број негативни коментари беа испратени до грчкиот тенисер Стефанос Циципас, а потоа следуваат Карлос Алкараз, Даниил Медведев, Каспер Руд и Камерон Нори, кој има 4 отсто негативни твитови.
Кога станува збор за тенисерките, најпогодена од хејтерите е Белорусинката Арина Сабаленка, која исто како и Новак има дури 15 отсто негативни твитови.
Интересно е тоа што истражувањето покажа дека ѕвездите на ВТА страдаат повеќе од злоупотреба на социјалните мрежи отколку нивните машки колеги.
Зад Сабаленка се Елена Рибакина, Каролин Гарсија, Ига Швионтек, Коко Гоф и Џесика Пегула.
Организаторите на Ролан Гарос решија сериозно да се справат со овој проблем, па на социјалните мрежи им понудија на играчите заштита од малтретирање. Во прва од ваков вид иницијатива, Француската тениска федерација користи технологија за вештачка интелигенција „Bodygard“, која ги филтрира навредливите коментари на мрежите како Instagram, Twitter и TikTok, објави ирскиот RTE.
“Менталното здравје на играчите е приоритет за Ролан Гарос. Нема да прифатиме каква било форма на насилство на нашиот турнир. Ние сме многу горди што сме првиот грен- слем турнир кој ќе им понуди на играчите решение за ефективно да се заштитат од онлајн малтретирањето.” изјави директорот на Здружението Каролина.Флесија.
„Сакаме да ги заштитиме од штетно однесување, да им дозволиме да бидат во врвна ментална состојба кога ќе се натпреваруваат на турнирот“, додаде таа.
