Милијана К., мајката на момчето што на 3 мај уби деветмина негови врсници и чуварот во основното училиште „Владислав Рибникар“ во Белград, на сослуѓувањето во полиција детално ја раскажала својата верзија за приказната за детството на нејзиниот син, неговото здравје, неговата врска со неговите врсници, семејните односи…
Таа ги опишала и неговите денови пред масовното убиство на 3 мај, како и како било утрото пред нападот, кога момчето влегло во училиштето со пиштолите на татко му и молотовите коктели, пишува Блиц. Првото основно јавно обвинителство во Белград по службена должност наредило да биде сослушана мајката на Коста К. за да се утврди дали го запоставила или малтретирала нејзиниот син пред тој да го изврши масакрот во училиштето.
Како што дознава Блиц, мајката го опишала Коста К. како болежлив и паметен и нагласила дека ништо не и укажувало дека тој може да стане масовен убиец.
Деновите пред масакрот
Изворот на Блиц вели дека мајката раскажала како нејзиниот син бил надвор од градот со пријател и со неговата мајка пет дена пред масакрот. Таму заедно го поминале 1 мај, по што се вратиле во Белград.
„Мајката рече дека момчето се вратило во Белград со пријател и неговата мајка, додека таа, нејзиниот сопруг и ќерка биле во друго возило. Момчето, како што рече, дошло дома еден час пред нив и се туширало кога пристигнале другите од семејството.Таа тврди дека не забележала промени во неговото однесување“, изјавил изворот за Блиц.
Ден подоцна, на 2 мај, момчето и неговата сестра не отишле на училиште бидејќи бил неработен ден, па отишле кај баба им и дедо им, а вечерта се вратиле и заедно гледале филм. „Мајката се сеќава дека момчето во еден момент отишло во продавница да купи намирници, но дека и тој ден не видела ништо чудно во неговото однесување. Тој наводно со родителите разговарал за филмот што го гледале и други теми кои го интересирале“, вели извор на Блиц.
На денот на масовното убиство „малку успорен“
Мајката рекла дека на 3 мај, денот на масакрот, таа прва станала да им подготви појадок на момчето и на неговата сестра. Нејзиниот сопруг отишол на работа, по што таа ги разбудила децата. Таа тврди дека и тогаш не забележала ништо чудно во однесувањето на нејзиниот син, освен што тој бил мрзлив за време на појадокот и при подготвувањето.
„Момчето наводно и кажало на мајка си да не се грижи бидејќи наставничката понекогаш доцни. Мајката, тврди таа, потоа отишла да ја однесе ќерка си на училиште, а момчето останало дома и самото се подготвувало“, вели изворот.
Еден час подоцна мајката слушнала за пукањето во училиштето. Таа во полиција изјавила дека мислела дека нејзиниот син е ранет во пукотницата и веднаш отишла на училиште. „Мајката вели дека била вознемирена, дека сè уште и е тешко да поверува дека нејзиниот син го направил тоа и тврди дека ништо не укажува на тоа дека вакво нешто можело да се случи“, вели изворот.
Промени во пубертетот
Говорејќи за воспитувањето на Коста, неговата мајка го опиша како дете со широки интереси. Не беше импулсивен или енергичен, беше љубопитен и сакаше прегратки. Последните години незадоволството го покажувал со плачење, а бил поблизок со мајка си отколку со татко му. За децата од раѓање се грижела дадилка која никогаш не се жалела на него.
Одредени промени настанале кога момчето влегло во пубертет, но мајката тоа не го сметала за драматично. На почетокот на годината почнал да се изолира во својата соба. Не ја заклучувал вратата, но сакал сестра му да ја напушти собата. Почнал да се заклучува во бањата, а имало и кавги поради несредена соба или неизвршување на училишни задачи.
„Мајката рече дека го казнила момчето со тоа што му забранила телефон и компјутер. Таа исто така истакна дека не го тепала, освен можеби еднаш кога бил помал. Истакнала дека момчето веќе подолго време не го вклучило компјутерот кој за време на корона го користел за играње игрици со другарите. Во една прилика и се пожалил на мајка си дека поради расправија бил исфрлен од врсничка група во која играле заедно. На својот мобилен телефон користел Инстаграм, Снепчет, Јутјуб и ТикТок, а мајка му претходно го проверила телефонот“, вели изворот за Блиц.рс
Таа раскажа за настан кој се случил во шесто одделение, кога некои другари не го поканиле на роденден. Класната раководителка тогаш на мајката и рекла дека мислела дека другите деца му љубоморат затоа што е подобар ученик, тврди мајката.
„Таа рекла дека нејзиниот син и се жалел дека децата го задеваат бидејќи многу чита и не знае добро да игра фудбал. Во тој период момчето барало да ја смени смената кога ќе почне седмо одделение бидејќи околината не не му одговарала. Тоа, како што рече, и ги направиле. Мајката тврди дека во текот на летото момчето почнало интензивно да се дружи со другите деца и било позадоволно од порано.Тој дури напишал есеј за неговата храброст да ја промени средината“, вели изворот.
По јазичниот камп во Франција се дружел со девојчињата, а класната раководителка и испратила порака на мајката во која и честитала и и напишала дека нејзините деца се прекрасни.
За стрелиштето
Таа се осврнала и на тоа дека татко му го однел Коста на стрелиште и го научил да пука. Тој вели дека сметал дека момчето треба да се запознае со опасностите од оружјето бидејќи и самиот имал негативно искуство во младоста.
„Мајката тврди дека не се согласувала момчето да оди на стрелиште, но дека не се сомневала во размислувањето на нејзиниот сопруг како татко и неговите добри намери. Таа додаде дека нејзиниот сопруг на синот сакал да му укаже на опасноста од оружјето, а притоа да му покажеш и како функционира, токму за оружјето да не му биде предизвик“, рекла мајката и додала дека слушнала дека на стрелиштето има и други деца.
На почетокот и на крајот на сведочењето, таа во полиција изјавила дека е скршена и изразила сочувство до семејствата на загинатите.
