Германскиот канцелар Олаф Шолц денеска во телефонски разговор му рекол на украинскиот претседател Володимир Зеленски дека Германија никогаш нема да ги признае резултатите од „лажниот“ референдум за приклучување кон Русија во окупираните делови на Украина, изјави портпаролот на германската Влада.
Шолц рече дека Германија нема да се откаже од својата финансиска, политичка и хуманитарна поддршка за Украина.
Тој додаде дека Берлин ќе продолжи да ја поддржува Украина во одбраната на нејзиниот суверенитет и територијален интегритет, вклучително и испорака на оружје.
