Шолц: Земјите од НАТО не треба да обрнуваат внимание на повиците за остри реакции за војната

82

НАТО мора да избегне директна воена конфронтација со Русија, бидејќи тоа може да доведе до Трета светска војна, изјави денеска германскиот канцелар Олаф Шолц.

На прашањето зошто мисли дека испораката на германски тенкови за Украина може да доведе до нуклеарна војна, Шолц во изјава за „Шпигел“ рече дека „не постои правило за да се одреди кога Германија може да се смета за воина страна во војната во Украина“ и затоа е многу важно секој чекор внимателно да е разгледан.

Шолц ја истакна важноста членките на НАТО да соработуваат тесно и да игнорираат прекумерни повици за остри реакции, бидејќи последиците од погрешното постапување може да бидат драматични.