Специјалниот советник на американскиот Стејт департмент Дерек Шоле телефонски разговарал со претседателот на Србија, Александар Вучиќ и со премиерот на Косово, Албин Курти и им честитал за постигнатиот договор на средбата во Охрид на 18 март.
„Му се заблагодарив на претседателот Вучиќ за неговиот конструктивен ангажман во Охрид. Важно е да се преземат итни чекори за спроведување и поставување цврст пат кон нормализација и интеграција во ЕУ“, објави денеска Шоле на својот Твитер профил.
Congratulated Prime Minister @albinkurti today on the agreement reached in Ohrid, North Macedonia, on normalization of relations with Serbia through the EU-Facilitated Dialogue. Kosovo now closer than ever to its EU future.
— Derek Chollet (@CounselorDOS) March 23, 2023
Тој додаде дека и се заблагодарил на Србија за повторното ангажирање со САД во воените вежби.
Шоле во разговорот со Курти, кому исто му „честита за постигнатиот договор во Охрид за нормализација на односите со Србија преку дијалог со посредство на ЕУ“, истакна дека овој договор го отвора патот за европска интеграција.
„Косово сега е поблиску од кога било до својата иднина во ЕУ“, напиша Шоле на Твитер.
Курти претходно денеска на својот Твитер профил напиша дека Шоле во телефонски разговор му честитал за постигнатиот договор во Охрид.