Инспекторатот на Град Скопје заплени користени гуми од автомобили, кои биле наменети за горење во текот на зимскиот период, информираат градските власти. Тие додаваат дека депото е целосно исчистено и испразнето и потенцираат дека борбата за чист воздух и околина мора да е секојдневна.
Скопјани ја поздравија заплената на гумите и сметаат дека е потребно долготрајно решение со отстранување на сите диви населби покрај кејот на реката Вардар.
-Уште сега се палат огнови и неподносливо е рекреирањето на кејот. Немаме повеќе трпение. Проблемот е посериозен, со оглед на однесувањето на лицата кои живеат таму-реагира скопјанката Анета Наумова.