Многу е забавно кога се пробуваат нови рецепти со необични намирници, но и поинаков начин на подготовка. Ова е рецепт е здрав, интересен и вкусен бисквит, без брашно, засладен со зрела банана и мед. Користете го како база, во комбинација со компот или свежо овошје, со слатка павлака, но нема да згрешите и ако го засладите со богата чокладна глазура.
Потребно е (за 6 мини тортички):
- 100 гр мелени бадеми
- 20 гр какао во прав
- 1 лажиче прашок за пециво
- 1 јајце
- 1 зрела банана
- 30 мл кокосово (или маслиново) масло
- 3 лажици мед
- за чоколадната глазура:
- 100 гр чоколадо за готвење
- 250 мл слатка павлака
Подготовка:
– Бананата изгмечете ја со вилушка и додадете ги маслото, медот и јајцето. Потоа постепено додадете ги сувите состојки и измешајте убаво.
– Смесата распоредете ја во калапи за печење на мафини или пак може да користите калап за куглоф, кои претходно ќе ги премачкате малку со масло.
– Ставете да се печат во претходно загреана рерна на 180 целзиусови степени околу 25 минути (со чепкалка за заби проверете дали е печено).
– Во меѓувреме подгответе ја чоколадната глазура. Во сад на рингла на умерена температура ставете ги слатката павлака и чоколадото за готвење и мешајте додека не добиете хомогна смеса.
– Кога ќе се изладат прелијте ги со чоколадната глазура и украсете ги со сецкани бадеми или ф’стци.