Четворица затруени со гас на аеродромот во Лос Анџелес, едно лице во критична состојба

32

Најмалку четири лица се затруени при истекување гас на меѓународниот аеродром во Лос Анџелес, од кои едно лице е префрлено во болница во критична здравствена состојба.

Како што соопшти градската противпожарна служба, инцидентот се случил на Терминалот 8 на аеродромот кога дошло до истекување јаглероден диоксид од неидентификуван извор.

Во соопштение објавено преку Твитер аеродромските власти објавија дека Терминалот 8 е целосно евакуиран од патници, кои се пренасочуваат кон блискиот Терминал 7, се додека експертските екипи ги утврдуваат изворот на истекувањето на гасот како и околностите во кои дошло до инцидентот.