Италијанскиот интернационалец од редовите на францускиот прволигаш Монако, Пиетро Пелегри, ќе биде најновата летна аквизиција на калчо гиганто Милан. Фудбалските медиуми на Апенинскиот полуостров открија дека 20-годишниот напаѓач актуелната сезона ќе ја одработи како позајмен фудбалер, а челниците на Милан ќе имаат право да го откупат неговиот договор за 6 мил. евра. Монако ќе заработи милион евра за едногодишната позајмица на Италијанецот.