Вакцината Фајзер/Бионтек против коронавирусот беше 93 проценти ефикасна во спречувањето на хоспитализацијата кај младите луѓе на возраст од 12 до 18 години, според анализите објавени денеска од американскиот Центар за контрола и превенција на болести (ЦДЦ).
Студијата беше спроведена во периодот од јуни до септември, кога беше присутна крајно заразна варијанта делта на вирусот корона, пренесува Ројтерс.
Сепак, како што е наведено, податоците од 19 педијатриски болници покажаа дека меѓу 179 пациенти хоспитализирани за коронавирус, дури 97 проценти биле невакцинирани, што е уште една потврда за ефикасноста на вакцината.
Извештајот на ЦДЦ се базира на студии спроведени од компанијата за овие возрасни групи, кои покажаа висок имунолошки одговор на коронавирусот, но кои не беа дизајнирани да покажат ефикасност против хоспитализација.
Вакцината Фајзер/БиоНТек е одобрена за употреба кај деца на возраст од 12 години, а компанијата бара одобрување за вакцината за употреба кај деца на возраст од пет години.
Се очекува панел експерти од Администрацијата за храна и лекови на САД да ги разгледаат податоците за употребата на оваа вакцина кај мали деца подоцна овој месец.
„Податоците за ЦДЦ ја зајакнуваат важноста на вакцинацијата за заштита на американската младина од коронавирусот“, рече авторот на оваа студија.
