Во последните неколку денови, Хрватска се соочува со рестриктивни мерки поради епидемијата на коронавирусот. Една од мерките се и ковид потврдите, но и задолжителното тестирање на вработените во јавените институции доколку не поседуваат потврда.
За оние кои ќе одбијат, пропишани се казни. Владата на Хрватска вчера вовела парични казни за непочитување на ковид пропусниците, во износ од 3 до 7 илјади евра.
Некои вработени во јавните институции, поради одбивањето да се тестираат или вакцнираат за да добијат потврда, се пред отказ.
Како што пишува Јутарњи лист, во јавните институции, особено во училиштата, има вработени кои одбиле да се тестираат и отвориле боледувања. Поради ова, многу директори на училишта и понатаму се „под опсада“.
