Холограмската турнеја на покојната пејачка Витни Хјустон, која беше најавена минатата година, предизвика бурна реакција и негодување кај нејзините фанови.
Ништо не е поразлично ни денес, кога е објавено дека Холограмската турнеја на Витни ќе почне на 25-ти февруари, пишува CNN.
“Вечер со Витни: Холограмска турнеја на Витни Хјустон” ќе започне на 25-ти февруари во Обединетото Кралство, а снимките кои се појавиле на британските телевизии, предизвикале бурни реакции кај нејзините фанови кои во најмала рака сметаат дека ова е непочитување кон пејачката.
“Ова е страшно и омаловажувачко”, “Зошто заработувате од нејзината смрт?”, “Воопшто не личи на Витни”, “Не изгледа како неа, ниту изгледа реално”, се само некои од коментарите на социјалните мрежи.
I’m not saying the Whitney Houston hologram tour will be a hot mess, but they are suggesting she had as much grace as a malfunctioning The Sims character wafting away a fart on #ThisMorning pic.twitter.com/9uJJCnCfTZ
— Mr Adam Remain 🇪🇺 (@MrAdamR) February 19, 2020
Витни Хјустон, која почина во 2012-та година на 48 години, е последната ѕвезда која ќе добие холограмски третман. Пред неа холограми биле правени за Тупак и Рој Орбинсон.
Иако фановите негодуваат, менаџерката на покојната пејачка, Пет Хјустон, изјави дека Витни би го сакала овој холограмски концерт.
“Витни се гордееше со своето семејство, а тоа ги вклучуваше и нејзините фанови. Ја обожуваше својата публика и затоа знаеме дека ќе го сакаше и овој холограмски концерт”, изјавила Пет.
“Настанот од ваков тип е нешто посебно, а “Base Hologram” ќе биде задолжен за него и ќе се погрижи за тоа се да биде автентично. Овој настан ќе и овозможи на публиката уште долго да ужива во неверојатниот глас на Витни и страста кон музиката и ќе помогне да им се подели таа магија на идните генерации”, рекла Пет.
So this is the Whitty Huton hologram. pic.twitter.com/6n4f69FqK1
— 56 MINUTES vs. 56 UNFORCED ERRORS (@ChimGAT) January 7, 2020
Извор: CNN