Фудбалерите на Тотенхем го слават отказот за Конте

575
epa10190419 Tottenham manager Antonio Conte reacts during the English Premier League soccer match between Tottenham Hotspur and Leicester City in London, Britain, 17 September 2022. EPA-EFE/VINCENT MIGNOTT EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 120 images, no video emulation. No use in betting, games or single club/league/player publications

Тоа за кое со денови се збореше во Англија, најпосле стана реалност. Трофејниот италијански стручњак, Антонио Конте, повеќе не е менаџер на лондонскиот премиерлигаш Тотенхем.

Во изминатите неколку недели, Конте беше актуелен поради изјавите во кои отворено ги напаѓаше фудбалерите и раководните лица на Тотенхем. Неговиот асистент, Кристиан Стелини ќе биде предводник на тимот до крајот на актуелната сезона, а ќе му помага поранешниот играч за врска, Рајан Мејсон.

  • Има уште десет натпревари до крајот на актуелната сезона во Премиер лигата и ние ќе се бориме со сета сила за да се пласираме во Лигата на шампиони. Мора да се стиснеме и да бидеме силни. Сите мораат да дадат се од себе, само така ќе имаме силен крај на актуелната сезона и само така ќе се избориме за тоа кое сите го сакаме, изјави сопственикот на Тотенхем, Даниел Леви.

Популарните „петли“ во изминатите четири години променија четири менаџери.

Британските медиуми немаат дилема дека Конте ја прелил чашата со изјавата која ја даде после првенствениот натпревар против екипата на Саутемптон кој заврши без победник 3:3 иако Тотенхем до самиот финиш имаше предност од 3:1.

  • Ние не сме тим. Ние сме 11 фудбалери кои се на зелениот терен. Јас гледам себични играчи, фудбалери кои не сакаат да помогнат еден на друг и кои не даваат се од себе. До сега молчев и се обидував се да сокријам, но веќе не сакам тоа да го правам, изјави Конте.