Националната библиотека на звукот Фонотека Насионал во Мексико пронашла нешто што би можело да биде првиот познат гласовен запис на уметницата Фрида Кало.
Снимката е пронајдена во пилот изданието на Ел Бачиљера, радиоемисија од 1955 година. Во емисијата се зборувало за сопругот на Фрида, познатиот мексикански муралист Диего Ривера.
En este fragmento, correspondiente a un piloto para un programa de radio, producido y conducido por Álvaro Gálvez y Fuentes, se escucha “Retrato de Diego”, escrito por Frida Kahlo y probablemente leído por ella misma. #FridaKahlo pic.twitter.com/Bo4UoETjO3
— Fonoteca Nacional (@Fonoteca) June 13, 2019
„Дали некогаш сте замислувале како би можел да звучи гласот на Фрида Кало? Фонотека и Култура МХ претставија снимка на она што би можело да биде гласот на една од иконите на уметности во нашата земја: Фрида Кало. Сега можеме да да се запознаеме со неа преку нејзиниот глас“, напишаа од Националната библиотека на звукот на Мексико на Твитер.
Емисијата ја продуцирал Алваро Галвес и Фуентес. Се верува дека текстот за Диего Ривера го напишала самата Фрида, а веројатно и го прочитала.
„Гласот на Фрида е една од најбараните снимки од библиотеката“, изјавил директорот на библиотеката Павел Гранадос.
Од одделот за култура исто така изјавиле дека ова би можело да е гласот на Фрида.
