Франција: Се отвора архивата за периодот на геноцидот во Руанда

40

Франција денеска за пошироката јавност ја отвори архивата за настаните во Руанда меѓу 1990 и 1994 година, 27 години по почетокот на геноцидот врз Тутсите во оваа африканска земја, соопшти францускиот Службен весник.

Станува збор за приватни архиви на поранешниот претседател ФрансоаМитеран, а потоа и на премиерот ЕдуарБаладур.

Неколку документи, особено дипломатски телеграми и доверливи белешки, се појавија во извештајот за улогата на Франција во Руанда меѓу 1990 и 1994 година, поднесен од комисија на историчари кон крајот на март.

Извештајот се однесува на улогата на Франција во текот на четирите одлучувачки години, кога се случи геноцидот на владејачките Хути врз 800.000 Тутси, меѓу април и јули 1994 година. Историчарите особено укажуваат на одговорноста на Митеран и Генералштабот на француската армија кои ги игнорираа предупредувањата за опасноста од геноцид.

По повод 27-годишнината од почетокот на геноцидот предвидени се неколку комеморации, меѓу кои и во Франција.

Францускиот претседател Емануел Макрон изрази надеж за „неповратно” приближување со официјален Кигали. Иако дојде до затоплување на односите меѓу двете земји со доаѓањето на Макрон на власт во 2017 година, улогата на Франција во Руанда е сѐ уште деликатна тема.