Фолксваген размислува за отпуштање до 30.000 работници со цел да ги намали трошоците и да ја подобри конкурентноста со играчи како Тесла, пишува германскиот весник Ханделсблат, пренесува Блиц.
– Нема сомнение дека треба да се справиме со конкурентноста на нашата фабрика во Волфсбург во однос на новите учесници на пазарот, изјави портпаролот на компанијата Мајкл Манске, додавајќи дека дискусијата е во тек и дека веќе има многу добри идеи, но се уште нема конкретни сценарија.
Фолксваген, исто така, размислува да го вклучи бизнисот за полнење автомобили и енергија, во постојните планови за ИПО за одделението за акумулатори, изјави главниот директор за технологија Томас Шмал за списанието „Менаџер“.
Шмал нагласи дека се уште ништо не е решено и дека најверојатно ќе поминат две години пред да се формираат нови компании и да бидат подготвени за излегување на берза.
„Треба да размислиме и за комплетни системи“, рече Шмал, мислејќи на комплексот „едношалтерски систем“ на Тесла со сопствена мрежа за полнење, соларни системи за зелена електрична енергија и полиси за осигурување на автомобили.
Тесла го произведува својот автомобил „Модел три“ за 10 часа, додека на Фолксваген му требаат 30 часа за да направи „ИД 3“.
