„Оpen beauty Hair Fest Prilep 2022“, единствениот фестивал во нашата држава посветен на фризерите, ќе се одржи на 28 мај во Домот на културата „Марко Цепенков“ во Прилеп. Тој е продолжение на досега направени два фестивала од ваков вид во Прилеп, но сега е ребрендиран и подигнат на повисоко професионално ниво од Интернационален карактер. Организатор на фестивалот е Здружение за настани, манифестации и едукации „Провент“ – Прилеп во соработка со Секцијата на фризери, бербери и козметичари – Прилеп. Директор на фестивалот е Крешимир Крешо Здравески, кој е воедно и креатор и реализатор како на претходните, така и на овој фестивал.
„Open beauty Hair Fest ќе се состои од саем со штандови на кој ќе се претстават еминентни светски брендови за производи на нега на коса, опрема и алати, како од земјата така и од Италија, Србија…. Исто така ќе има и сценски шоу-настапи на еминентни фризерски имиња од Македонија и како специјални гости ни доаѓаат два тима од Србија, европски и светски носители на награди и едукатори во областа на фризерството. Дел од фестивалот е и забавата, за дружење и збогатување на меѓусебната соработка.
Фестивалот ќе започне од 11 ч. со дел посветен на нашите најмили, насловен како Фризерско детско шоу, а тие ќе можат да присуствуваат на настан на кој ќе има многу забава, изненадувања и едукации. Учество ќе земат Денс студио “Њу џенерејшен“, Детскиот хор „Весели ѕвончиња“, а ќе има и маскоти, аниматори и едукативна презентација од стручно лице, претставник на „Зегин“, кој е воедно и еден од покровителите на фестивалот, кој ќе ги едуцира дечињата преку интересна интеракција и анимација за нега и грижа за детското здравје. Исто така децата ќе видат нови модни трендови на коса и прекрасни детски фризури, за што ќе има професионален сценски настап со деца модели.
Од 13 ч. започнува делот со настапи на тимови од: СОУ Ѓ. Петров – насока фризери и козметичари, Теса бјути академија, Фарма вита, Кене, Србија гламур тим, Србија барберинг тим, Тим Прилеп и тим Македонија.
Прилеп, уште еднаш докажува дека е град лидер во одржување и унапредување на занаетчиство.