Одлична идеја за вкусен ручек за целото семејство. Нема да згрешите ако со овие шницли подготвите некој домашен сос од домати, иако и самите по себе се прилично сочни.
Состојки:
- 500 грама мелено јунешко месо
- 1 мала тиквица
- 1 морков
- 1 кормид
- 1 јајце
- 1/2 шоља презла
- 1 чешне лук
- сол и бибер по вкус
- оригано
- масло за јадење
Подготовка:
Во меленото месо додадете го ситно изренданиот кромид, изрендана тиквичка и морков, ситно сецканото лукче, јајцето, презлата и зачините. Убаво измешајте ја смесата, да се соединат сите состојки и да добиете мазна смеса.
Обликувајте мали округли шницли. Пржете ги по 3-4 минути од секоја страна и немојте да ги притискате со вилушка, само така ќе останат доволно сочни.
Пржените шницли вадете ги на тањир и чувајте ги на топло, додека не бидат готови сите.
Уживајте во вкусот!
