Учениците од четврто одделение во Дневен престој во ООУ „Јохан Хајнрих Песталоци“ денеска во трговскиот центар „Зебра“ во Капиштец, од 16 до 17 часот се претставија со новогодишен базар кој е дел од проектната активност „Од децата за децата“, во рамки на Проектот на УСАИД ,, Со читање до лидерство“ – Обука за креирање средина за учење „ Нашата училница – нашиот свет“.
Учениците на базарот заедно со наставничката Билјана Лукановска ги изложија своите ракотворби, новогодишни орнаменти и рачно изработени честитки. Финансиските средства од продажбата тие ги наменија за организирање на лотарија на учениците во дневен престој за четврто одделение и новогодишна забава во училницата.
– Целите и активностите на одржаните работилници со учениците, даваат можност за интегрирано целно и содржинско поврзување со наставните предмети: македонски јазик, англиски јазик, општество, музичко образование, ликовно образование, општество,творештво,математика и физичко и здравствено образование – вели Лукановска.
Фото:(Н.Б.)
