Унгарија денеска ја блокираше одлуката за пакет помош за Украина во вредност од 18 милијарди евра и така ја принуди Европската комисија и ЕУ да бараат решение за Украина да добие финансиска помош во јануари.
Унгарското вето значи дека одлуките за сите останати предмети на дневен ред на министрите за финансии се одложени, меѓу нив и одлуката за замрзнување на 7.5 милиојарди евра средства на ЕУ за Унгарија која е блокирана поради кршење на владиниот закон во Унгарија, пренесува АП.
Комисијата ќе разгледува како да „обезбеди решение за Украина веќе од јануари“, рече комесарот на ЕУ за биџет Јоханес Хан во текот на седницата на министрите за финансии.
Тоа би подразбирало таканаречена подобрена соработка на таканаречениот правен пат за избегнување вето, рекоа функционерите на ЕУ.
„Не сме во можност да го усвоиме пакетот во целина, но нема да се обесхрабриме“, рече чешкиот министер за финансии Збинек Станјура, председавајќи со собирот министри и додаде:
„Нашата амбиција останува да почнеме со исплата за Украина во јануари“.
Тој рече дека го задолжил Советот на ЕУ да работи на „решение поддржано од 26 земји-членки“ кое ќе го заобиколи унгарското вето, пренесува АП.
Владите на членките на ЕУ имаат рок до 19 декември да заземат став за замрзнување на фондовите на ЕУ за Унгарија, а Комисијата исто така инсистира Будимпешта да спроведе 27 „пресвртници“ во демократските реформи со цел да и обезбеди на Унгарија финансиски средства.
Лидерите на ЕУ ќе се состанат на дводневен самит следната недела, со што ќе се зголемат шансите прашањата да се решат подоцна.
