Украинското Министерство за одбрана тврди дека Русија планира да лажира нуклеарен инцидент во нуклеарната централа Запорожје за неколку часа.
На својот официјален Твитер, одбранбената разузнавачка служба на Украина тврди дека Русите планираат да „лажираат“ несреќа во централата. Исто така, се тврди дека Русија ќе се обиде да ја обвини Украина за инцидентот.
„Нивната цел е да ја испровоцираат меѓународната заедница и да спроведат детална истрага која бара прекин на огнот. Русите ќе ја искористат оваа толку посакувана пауза за да го прегрупираат окупацискиот персонал и да ја запрат украинската контраофанзива. Русите ја саботираа планираната ротација на персоналот на набљудувачката мисија на Меѓународната агенција за атомска енергија во централата“, соопштија од Министерството.
