Уапсен скопјанец: Уфрлил едно ливче, останатите три ги искинал

44

Скопјанец сакал да гласа само со едно избирачко ливче, а останатите три да ги уништи, по што бил приведен во полициска станица.

Во 13.00 часот во СВР Скопје, М.П. – претседател на гласачко место 2662 на ул.„Антон Попов“ пријавила дека околу 12.45 часот М.П.(36) при остварување на право на глас од четири ливчиња, само едно ставил во гласачка кутија, додека другите ги скинал и ги оставил на пулт за гласање.

Известен е полицискиот службеник, по што лицето е лишено од слобода и приведено во Полициска станица. По извршени консултации со Јавен обвинител, утврдено е дека постојат основи на сомнение за извршено кривично дело по чл.164 став 1 од Кривичниот законик – „уништување на изборен материјал“.