Во Хрватска денеска почна вакцинирање на граѓаните против ковид-19 со втора доза, по што со часови се чека пред пунктот за вакцинација во Загреб.
Според хрватските медиуми, вакцинацијата требало да почне во девет часот, но граѓаните почнале да доаѓаат пред пунктот два часа порано, при што се создал долг ред.
Граѓаните се жалат дека чекаат со часови иако имаат закажано термин за вакцинирање и оти процесот не е организиран, а ги обвинуваат и лицата кои дошле многу порано пред закажаниот термин.
