Силна експлозија го погоди утреово подрачјето на германскиот град Леверкузен, во кој се наоѓа и хемискиот концерн Баер. Едно лице загина, 31 се повредени од кои петмина потешко, а четири лица се исчезнати и се уште трае потрагата по нив.
Експлозијата која сеизмографите ја регистрираа на оддалеченост од 40 километри, предизвика облак од токсичен чад што се шири над Леверкузен. Жителите се предупредени да ги затворат прозорците, да не излегуваат надвор и да не јадат овошје и зеленчук од градините. Затворени се детските игралишта бидејќи мерењата покажуваат големо загадување во „зелената зона“, обjавија локалните власти.
Аларм за предупредување е изададен и за 60 километри оддалечениот Дортмунд. Причината за експлозијата во погоните за спалување отпад засега е непозната.
Полицијата во Леверкузен го затвори и блискиот автопат и ги повика граѓаните да ги користат споредните патишта, а главните сообраќајници да ги ослободат за противпожарните и за службите за брза помош.
#BREAKING: Emergency services responding to large explosion at chemical plant in Leverkusen, Germanypic.twitter.com/4cILPlciQ8
— I.E.N. (@BreakingIEN) July 27, 2021
#Explosion at Chemiepark #Leverkusen plant
> reports: incineration plant/tank
> Highway A1 closed
> seek refuge
> keep windows and doors closed— Michael Barthel (@RealMiBaWi) July 27, 2021