Австриецот Доминик Тим го осовои најголемиот трофеј во совјата кариера, откако во финалето на мастерс турнирот ов Индијан Велс го совлада Швајцарецот Роже Федерер со 3:6, 6:3, 7:5.
Федерер, кој претходно овој месец ја освои титула број 100, загуби второ финале по ред во Индијан Велс, откако минатата година отстапи пред Хуан Мартин Дел Потро, и повторно пропушти шанса да стигне до рекордна шеста титула на турнирот во Калифорнија.
Тим освојува титула од сериите „Мастерс“ за прв пат, откако досега имаше две загубени финалиња. 25-годишниот Австриец до крајот на минатата година беше еден од ретките со позитивен биланс против Федерер. Со овој успех Доминик го претекна својот ривал и на најновата АТП листа ќе биде четврти во светот, а Федерер петти.
На женскиот дел од турнирот големо изненадување направи Бјанка Андреску (18), откако ја освои титулата со победа над поранешниот светски рекет број еден Германката Анџелика Кербер со 6:4, 3:6, 6:4. Таа стана најмладата шампионка на турнирот од Серена Вилијамс (1999 година) и четвртата најмлада во историјата на натпреварувањето по Вилијамс, Мартина Хингис и Моника Селеш. Канаѓанката воедно е и првиот учесник со „вајлд карта“ кој победил во Индијан Велс.
– Прво сакам да и честитам на Кербер за извонредниот турнир. Беше задоволство да го делам теренот денес со тебе. Ти си голем шампион и инспирација. Се надевам дека овој момент ќе служи за инспирација за многу млади спортисти – како што секогаш сум велела: „ако веруваш во себе, сè е можно“. Мајка ми секогаш ми велела во текот на годините: „Ако работиш напорно и имаш големи соништа, можеш да постигнеш многу нешта“. Ова го правам многу години и конечно овој момент стана реалност, изјави Андреску.