Од вчера ТЕЦ Осломеј е вклучен на мрежа и произведува електрична енергија во електро-енергетскиотсистем. Термоелектраната ќе работи според планот за производство и потребите на конзумот.
– Во ТЕЦ Осломеј во претходниот период се вршеа неопходни дополнителни ремонтни активности, особено на млиновите и каналите за јагленова прашина кои се најизложени на влијанието на користењето јаглен од различни наоѓалишта, (делумно од сопствен ископ, делумно набавен јаглен) – се наведува во соопштението од ЕСМ.
Од таму додаваат дека застојот се искористи за санирање и на други помали дефекти воочени на останатите уреди и постројки во претходниот период кога термоелектраната работеше.
Целта на зафатите беше да имаме сигурна работа на капацитетот во грејната сезона, бидејки станува збор за термоелектрана изградена пред 42год.
