Директорот на Светската здравствена организација, Тедрос Аданом Гебрејезус, во својот говор на глобалниот самит за вакцинирање во Велика Британија, предупреди дека процесот на вакцинација против колера, детска парализа и други опасни болести е прекинат поради пандемијата на коронавирусот, пренесува руската агенција ТАСС.
– Пандемијата на Ковид-19 не потсети колку е чувствителен човечкиот живот и дека во нашето глобално село здравјето на една личност зависи од колективното здравје. Сега е вистинското време светот да се обедини и солидарно да обезбеди погодности за вакцинирање за сите, истакна Тедрос.
