Окинава во Јапонија го носи прекарот „остров на долговечноста“. Ова не е изненадувачки, ако знаеме дека многу локални жители живеат повеќе од 100 години, и севкупно има помалку срцеви удари, тумори и проблеми со губење на меморијата кај населението. Многумина веруваат дека икигаи е тајната на нивниот плоден и долг живот.
Икигаи од јапонски јазик се преведува како „причина за постоење“ или „страст во животот“. Тоа е специфична цел што ги мотивира индивидуите да станат од кревет и да се радуваат на секој нов ден.
И не, икигаи никогаш не се поврзува со финансиска благосостојба или со голем имотен лист. Окинава е посебна затоа што поттикнува создавање блиски врски меѓу населението. Повеќето се приклучуваат на една или повеќе групи наречени моаи засновани на пријателства, заеднички интереси или деловни причини, па затоа често се среќаваат за да разговараат за важни теми и да се поддржуваат едни со други.
Тие честопати даваат парични придонеси за да им помогнат на другите членови.
Долговечноста на луѓето во Окинава се припишува и на нивната здрава исхрана.
Во книгата што се занимава со оваа тема, авторите Хектор Гарсија и Франсеск Миралјез истакнуваат дека луѓето на островот јадат храна базирана на зеленчук и храна богата со антиоксиданси и редовно се занимаваат со лесна физичка активност.
https://www.instagram.com/p/CIFw-Kgh0S9/?utm_source=ig_web_button_native_share
Жителите од Окинава јадат на мали чинии, не веруваат во прејадување и внесуваат храна додека не се чувствуваат 80% полни.
Исто така е важно да се напомене дека тие трошат само една третина од шеќерот од јапонскиот просек.
На крајот на краиштата, тие живеат во хармонија со природата, се опкружуваат со луѓе што ги сакаат и остануваат активни во сите аспекти на животот.
Извор:www.therjoe.com
