Струга државен шампион за кошаркарки до 16 години

122

Кошаркарките на Струга 2009 се закитија со титулата државен првак во конкуренција до 16 години откако во финалниот натпревар синоќа ги победија врсничките од Бадел 1862 Скопје со резултат  55:51.

Стружанки и Баделки одиграа крајно неизвесен дуел во кој победникот се одлучи во последните секунди.

Третото место и бронзени медали освоија девојките од клубот- домаќин, КК „Крива Паланка“.

Признанието за најкорисен играч и припадна на Габриела Модева од победничката екипа.

Градоначалникот Мицевски рече дека чест и задоволство е да се биде домаќин на финалниот турнир за М16 и се заблагодари на довербата од страна на КФСМ.

-Честитки за шампионките ЖКК “Струга 2009” како и за бронзата на нашите ЖКК “Крива Паланка”. Полека но сигурно Крива Паланка се профилира во кошаркарски град. Браво девојчиња, рече Мицевски