Тој ли е? Не ли е? Еден бербер од Дизелдорф, Германија, не бил сигурен дали токму славниот Стинг е тој кој му влегол во берберницата. Потоа направил тест.

Во дуќанот на Хусеин Џума Абдула, газдата и берберите не биле сигурни дали новиот муштерија е токму тој, славниот Стинг. За да се осигураат дали е славната мега-ѕвезда, направиле трик – пуштиле музика од Стинг во дуќанот.

Тогаш Стинг им шепнал: „Ова сум јас!“, вели Сивер Рада (27), бербер, за „Рајнише пост“.

Според него, гитаристот на Стинг бил во истиот дуќан пред две недели. А пред да заминат за Лион, очигледно му го препорачал берберскиот дуќан на Хусеин.

Инаку песната што му ја пуштиле на Стинг за да проверат дали е тој е “Shape Of My Heart”.